Á Þrætuparti er kamar og smávegis tjaldstæði. Þar er einning lendingin þegar náð er í ferðamenn eða komið með þá.
[mynd 1 c l]
Gönguleiðin liggur inn fjörðinn og upp úr Veiðileysudal. Göngustígurinn getur á köflum verið ógreinilegur.
[mynd 2 c l]
Ofarlega má fylgja vörðum sem liggja að Hafnarskarði. Skarðið liggur í 519 metra hæð. Oftast er snjór beggja vegna skarðsins og sé farið snemmsumars þarf e.t.v. að sparka spor á uppleið og nota hælana á niðurleið.
[mynd 3 c l]
[mynd 4 c l]
Úr Hafnarskarði sést vel yfir Hornvík og Veiðileysufjörð í góðu veðri. Frá Hafnarskarði er varðað niður undir Víðirshlíð. Komið er niður á láglendið rétt innan við húsið í Höfn. Þaðan er fylgt stíg að tjaldstæðinu þar sem er landvarðarhús og vatnssalerni. Snemmsumars þarf að nota kamarinn.
[mynd 5 c l]